"Манчестер Сити"нинг португалиялик ҳимоячиси Рубен Диаш рус тилидаги ёзув билан татуировка чиздирди. Бу ҳақда унинг ўзи ижтимоий тармоқдаги саҳифасида маълум қилди.

Диашнинг ўнг қўлида "Стойкий мужик" (Матонатли эркак) деган ёзув пайдо бўлди. Ушбу татуировка 28 ёшли футболчи учун биринчиси эмас, аммо кам сонли татуировкалардан бири.

Рубен Диаш 2020 йилдан буён "Манчестер Сити" шарафини ҳимоя қилиб келмоқда. У жорий мавсум барча мусобақаларда 21 та ўйинда майдонга тушиб, 2 та гол уришга муваффақ бўлди.

Диашнинг "шаҳарликлар" билан меҳнат шартномаси 2029 йилгача мўлжалланган. Transfermarkt портали мутахассислари футболчининг нархини 60 миллион еврога баҳоламоқда. Бу кўрсаткич бўйича португалиялик жаҳоннинг топ-10 талигига киради.