"Manchester Siti"ning portugaliyalik himoyachisi Ruben Diash rus tilidagi yozuv bilan tatuirovka chizdirdi. Bu haqda uning o‘zi ijtimoiy tarmoqdagi sahifasida ma’lum qildi.
Diashning o‘ng qo‘lida "Stoykiy mujik" (Matonatli erkak) degan yozuv paydo bo‘ldi. Ushbu tatuirovka 28 yoshli futbolchi uchun birinchisi emas, ammo kam sonli tatuirovkalardan biri.
Ruben Diash 2020 yildan buyon "Manchester Siti" sharafini himoya qilib kelmoqda. U joriy mavsum barcha musobaqalarda 21 ta o‘yinda maydonga tushib, 2 ta gol urishga muvaffaq bo‘ldi.
Diashning "shaharliklar" bilan mehnat shartnomasi 2029 yilgacha mo‘ljallangan. Transfermarkt portali mutaxassislari futbolchining narxini 60 million yevroga baholamoqda. Bu ko‘rsatkich bo‘yicha portugaliyalik jahonning top-10 taligiga kiradi.
