"Реал" ҳимоячиси Рауль Асенсио "Алавес"га қарши ўйинда яна бир бор трибунадги мухлислар томонидан ҳақорат қилинди.

Якшанба куни "Реал" Ла Лиганинг 16-турида сафарда "Алавес"ни мағлуб этди (2:1).

Ўйин давомида "Алавес"нинг мухлислари "Асенсио, ярамас, Виториядан йўқол" дея ҳайқиришди. "Реал" ҳимоячиси ҳам бунга жавобан мухлисларни масхара қила бошлади, Орельен Тчуамени уни тинчлантиришга ҳаракат қилди. Ушбу вазиятлар Movistar эфирида El Dia Despues дастурида намойиш этилди.

Асенсио дастур саҳифасидаги видеолавҳа ёзилган твит остида шундай изоҳ қолдирди: "Ажойиб ўйин. +3."

Асенсио Испаниянинг кўплаб стадионларида вояга етмаган қиз билан жинсий алоқада бўлган видеони тарқатиш иши фонида ҳақорат қилинмоқда. Иккала жабрланувчи ҳам "Реал" футболчисига қўйилган айбловдан воз кечган.