"Манчестер Сити" дарвозабони Жанлуижи Доннарумма ФИФА талқини бўйича ўтган мавсумнинг энг яхши дарвозабони деб топилди. У энг яхши дарвозабонга бериладиган The Best мукофотини қўлга киритди.

Ўтган йили Италия терма жамоаси дарвозабони "ПСЖ" сафида Чемпионлар лигаси, Франция чемпионати, мамлакат кубоги ва Суперкубогида ғолиб чиқди.

Шунингдек, Алиссон Беккер ("Ливерпуль" ва Бразилия), Тибо Куртуа ("Реал" ва Бельгия), Эмилиано Мартинес ("Астон Вилла" ва Аргентина), Мануэль Нойер ("Бавария" ва Германия), Давид Райя ("Арсенал" ва Испания), Ян Зоммер ("Интер" ва Швейцария) ва Войцех Шесни ("Барселона" ва Польша) ҳам совринга даъвогарлик қилганди.

The Best мукофоти ғолибларини танлашда 2024 йил 11 августдан 2025 йил 2 августгача бўлган даврдаги чиқишлар ҳисобга олинади. Ғолиб терма жамоа сардорлари ва мураббийлари, мухлислар ва ОАВ вакиллари томонидан овоз бериш йўли билан аниқланади.