"Атлетик" бош мураббийи Эрнесто Вальверде "Негрейра иши" бўйича кўрсатма берди. Айбловга кўра, "Барселона" 2001 йилдан 2018 йилгача Ҳакамлар техник қўмитасини бошқарган Хосе Негрейрага 7,3 миллион евродан кўпроқ пул тўлаган.
Клуб вакилларининг таъкидлашича, тўловлар ҳакамлик масалалари бўйича тавсиялар билан ҳисобот бериш учун мўлжалланган, бироқ 2017-2020 йилларда каталонияликларни бошқарган Вальверде уларни ҳеч қачон кўрмаганини айтган.
"Мен ҳисоботларни сўрамадим ва олмадим. Менда ҳеч қачон улардан фойдаланиш имкони бўлмаган, мен улардан ўз ишимда фойдаланмайман.
Бу имконият одатда клубларда мавжуд. У "Атлетико Бильбао"да мавжуд. Балки у "Барселона"да ҳам бўлгандир. Мен буни сўрамаганман ва истамаганман," - дея Вальверденинг сўзларини келтиради RMC Sport.
