Франциялик ҳимоячи Дайо Упамекано ва Мюнхеннинг "Бавария" клуби ўртасида ҳамкорликни узайтириш бўйича музокаралар бўлаётгани ҳақида янги маълумотлар пайдо бўлди.

Журналист Филипп Кесслернинг таъкидлашича, Упамеканонинг агентлари янги шартномага 2028 йилда кучга кириши керак бўлган 65 миллион евро миқдоридаги товон пули бандини киритмоқчи. Шунингдек, ҳимоячи янги шартнома имзолагани учун катта бонус олишни истамоқда, бу ҳақда аввал хабар берилганди. Футболчининг кўплаб талабларига қарамай, "Бавария" оптимизмни сақлаб турибди ва француз билан келишувга эриша олишига ишонмоқда.

27 ёшли Упамеканонинг "Бавария" билан амалдаги шартномаси келаси ёзда ўз ниҳоясига этади. Футболчига Мадриднинг "Реал" клуби фаол қизиқиш билдирмоқда.