Франциялик ҳимоячи Дайот Упамекано ва "Бавария" ўртасидаги шартномани узайтириш бўйича музокаралар ҳақида янги маълумотлар пайдо бўлди.
Журналист Филипп Кесслернинг сўзларига кўра, Упамеканонинг агентлари 2028 йилда кучга кириши режалаштирилган янги шартномага 65 миллион евро миқдоридаги товон пули бандини киритмоқчи.
Ҳимоячи, аввал хабар қилинганидек, катта миқдордаги бонусни ҳам хоҳламоқда. Футболчининг кўплаб талабларига қарамай, "Бавария" оптимистик фикрда ва француз футболчиси билан келишувга эриша олишига ишонади.













