"Манчестер Юнайтед"нинг собиқ ҳимоячиси Фил Жонс "Реал Мадрид" ярим ҳимоячиси Жуд Беллингемни 2026 йилги Жаҳон чемпионати учун Англия терма жамоасининг асосий таркибидан чиқариб ташлаш ва унинг ўрнига "Астон Вилла" вакили Морган Роджерсни қўйиш кераклигини айтди.
"Рожерс Жаҳон чемпионатида менинг 10-рақамли ўйинчим бўларди. Биламан, бу машҳур бўлмаган қарор ва Беллингем "Реал Мадрид" сафида ўйнагани учун бу амалга ошмаслигини биламан. Лекин мен ўз фикримда содиқ қоламан.
Рожерс - сўнгги олти ой ичида энг кўп томоша қилган ўйинчим. Менга унинг ўйини, характери, майдондаги ўзини тутиши жуда ёқади.
У кучли, тезкор, чап оёғи билан ҳам, ўнг оёғи билан гол уради. У Беллингемдан кучлироқ. У ҳозир Жуддан кўра кўпроқ гол урмоқда. Морган Беллингемдан кўра ўйинга катта таъсир кўрсатади", – деди Жонс.
