"Ювентус"нинг собиқ ҳужумчиси Алессандро Дель Пьеро туринликларнинг ҳозирги таркиби ўзи ўйнаган жамоадан ғалаба менталитетини ўзлаштира олишига умид қилмоқда.
"Ғалабалар ҳар доим менинг устувор вазифам бўлган. Бугунги "Ювентус"га келсак, айтишим мумкинки, имконсиз нарсанинг ўзи йўқ.
Менинг жамоам ақл бовар қилмайдиган менталитетга эга эди ва умид қиламанки, Спаллетти жамоаси биздан ўрнак олади. Улар қийин дамларни бошдан кечираётганини тушунаман, айниқса мураббий ўзгариши муносабати билан," - деди Дель Пьеро Sky Sport эфирида.
"Ювентус" А Серия турнир жадвалида 15-турдан кейин 26 очко жамғарган ҳолда 5-ўринда бормоқда.
