Мадриднинг "Реал" клуби вингери Родриго Испания кубоги доирасида "Талавера"га қарши ўйинда сардорлик боғичини тақиб ўйнади.
Учрашув чоршанба куни бўлиб ўтди ва 3:2 ҳисобида "қаймоқранглилар"нинг ғалабаси билан якунланди. Учрашувнинг 66-дақиқасида 24 ёшли бразилиялик футболчи захирадан майдонга тушди ва сардорлик боғичини олди.
"Мен ҳали ҳам бу футболкада ўйнаб, орзуларни рўёбга чиқармоқдаман. Бу оқшом "Реал" сардорлик боғичини тақиш мен учун шараф бўлди," - дея Родригонинг сўзларини келтиради журналист Фабрицио Романо.
Шанба куни Хаби Алонсо жамоаси Ла Лига 18-туридан ўрин олган "Севилья"ни ўз майдонида қабул қилади.
