Анонимлик шарти билан яхши хабардор манбалар 2025/26 йилги мавсум Хосеп Гвардиола учун "Манчестер Сити" бошқарувидаги сўнггиси бўлиши кутилаётгани ҳақида гапирди. Бироқ якуний қарор мавсум якунига яқин қабул қилинади. Бу ҳақда The Athletic саҳифаларида маълум қилинди.
Манбанинг таъкидлашича, "Манчестер Сити" Гвардиола билан хайрлашган тақдирда режалар тузмоқда. Мураббий ўзгарганда "шаҳарликлар" учун асосий номзодлар орасида ҳозирда "Челси"да ишлаётган Энцо Мареска ҳам бўлади.
Мареска аввалроқ Гвардиола штабида ишлаган, шунингдек, "Манчестер Сити" ёшлар жамоасини бошқарган. Мутахассис яқин келажакда "Челси"дан истеъфога чиқарилиши мумкинлиги ҳақида миш-мишлар юрибди.
