Жума куни Transfermarkt мутахассислари Германия лигасида ўйнайдиган футболчиларнинг нархлар рўйхатини янгилади.
"Бавария" футболчиси Леннарт Карл нархи энг кўп юқорилаган ўйинчи бўлди. 17 ёшли футболчи жамоасида аста-секин муҳим ўйинчига айланиб бормоқда, бу унинг нархида акс этмоқда. Карлнинг нархи 40 миллион еврога ошди ва ҳозирда 60 миллион еврога баҳоланмоқда. Бу унинг тахминий қийматининг 200% га ошганини англатади.
"РБ Лейпциг" қанот ярим ҳимоячиси Ян Диоманде Бундеслигада иккинчи энг юқори ўсишни кўрсатди. Унинг нархи 25 миллион еврога ошиб, 45 миллион еврога етди.
Учинчи ўринни "Кёльн" футболчиси Саид Эл-Мала ва "Гамбург" футболчиси Лука Вушкович бўлишди. Уларнинг иккаласи ҳам 22 миллион еврога қимматлади ва уларнинг нархи 40 миллион еврога етди.













