Лондоннинг "Арсенал" клуби бразилиялик ҳужумчиси Габриэль Жезус фаолиятини "Милан"да давом эттириши мумкин. Бу ҳақда журналист Жанлуижи Лонгари хабар бермоқда.
Манбага кўра, 28 ёшли Жезуснинг хизматларини "Милан"га яна таклиф қилишган. Айни пайтда томонлар футболчини ижарага олиш масаласини муҳокама қилмоқда. Қайд этилишича, ҳозирда "Милан" ҳужумчининг жисмоний ҳолатига баҳо бермоқда, аммо воқеалар ривожи Рождестводан кейин давом этиши кутилмоқда.
Жорий мавсумнинг бошида Жезус хочсимон боғламларининг узилиши туфайли кўплаб ўйинларни ўтказиб юборди. У сафга қайтганидан сўнг учта ўйинда майдонга тушди, аммо голли ҳаракат қилмади.
