"Манчестер Юнайтед" чап қанот ҳимоячиси Патрик Доргуга ўринбосар қидирмоқда. Бу ҳақда Caught Offside хабар берди.
Манбага кўра, "қизил иблислар" "Ньюкасл"нинг 23 ёшли қанот ҳимоячиси Валентино Ливраменто ва "Айнтрахт"нинг 22 ёшли чап қанот ҳимоячиси Натаниэль Браунни кузатиб бормоқда. Шу билан бирга, "қарғалар" футболчисига "Манчестер Сити" ҳам қизиқиш билдираётгани таъкидланмоқда.
Жорий мавсумда Доргу барча турнирларда 16 та ўйинда майдонга тушиб, битта голли узатмани амалга оширди. Футболчининг клуб билан амалдаги меҳнат шартномаси 2030 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 30 млн еврони ташкил этади.
