Лондоннинг "Арсенал" клуби бош мураббийи Микель Артета АПЛнинг 17-туридан ўрин олган "Эвертон"га (1:0) қарши ўйиндан сўнг яримҳимоячи Мартин Эдегорнинг ўйини ва унинг пенальти тепиш ҳуқуқини "канонирлар" ҳужумчиси Виктор Дьёкерешга бергани ҳақида фикр билдирди.
"Ажойиб қарор. Бу сардорнинг фидойилиги ва босим остида қолган ўйинчига ёрдам бериш истагини кўрсатади. Бу ҳам унинг шеригига бўлган ишончини билдиради. У Викторни ҳар куни машғулотларда кўради. У гол урди ва ўйинчилар масъулиятни ўз зиммаларига олиб, қарорларни ўзлари қабул қилишлари менга жуда ёқади. Бу жуда ижобий ҳолат", - дея Артетанинг сўзларини келтиради клуб расмий сайти.
