2008-2012 йилларда "шпорлар"да ишлаган "Тоттенхэм" собиқ устози Харри Реднапп клубнинг ҳозирги ҳолати ҳақида фикр билдирди. "Тоттенхэм" чемпионатдаги сўнгги 7 ўйинда атиги 1 ғалабага эришди ва бу мураббий Томас Франкга ташқи босимнинг кучли бўлишига олиб келди.
"Футболчилар юқори даражада эмас, уларнинг танлови етарлича яхши эмас. Улар яна неча марта мураббий алмаштиришади? Поччеттино кетгандан бери бирининг кетидан иккинчиси келаверди. Бу худди каруселга ўхшайди. Улар келишади, бироз ушланиб қолишади, кейин яна кетишади", - дея Реднаппнинг сўзларини келтиради talkSPORT.
Шунингдек, мутахассис жамоа мураббийлар штабининг рақиблар томонидан стандарт вазиятларни ижро этишга бўлган ёндашувини танқид қилди, чунки ўйинчилар бир хил хатоларни қайта-қайта такрорлайдилар ва бу натижага таъсир қилади.
