Португалия терма жамоаси устози Роберто Мартинес "Эвертон"даги фаолиятини эслади.
Мартинес 2013-2016 йилларда ушбу клубга устозлик қилган.
"Биз Феллайни, Аничебени сотишга мажбур бўлдик, Жеймс Маккарти, Гарет Барри, Ромелу Лукакуни сотиб олдик. Ўйлашимча, соврин қўлга киритиш учун бизга битта трансфер ойнаси етишмади," - дея Мартинеснинг сўзларини келтиради Eurofootcom.
"Кўп ўйинларда кичик хатолар туфайли мағлуб бўлдик ва ишончим комилки, агар ғалаба қозонганимизда, клубда ишлаш учун кўпроқ вақтга эга бўлардим. Ортга назар ташлаб, эришган ютуқларимиздан жуда фахрланаман. Бу уч мавсумда ўтказган баъзи ўйинларимиз юқори савияда бўлди".
Мартинес "ирислар" сафидаги илк мавсумида (2013/14) АПЛда 5-ўринни эгаллади. Кейин кетма-кет икки бор 11-ўрин билан чекланди.
