"Барселона" ҳужумкор ярим ҳимоячиси Фермин Лопес жамоа бош мураббийи Ханс-Дитер Фликнинг талаблари ҳақида гапирди.
22 ёшли футболчи "кўк-анорранглилар" сафида ҳар доим ҳам асосий таркибда майдонга тушавермайди, аммо унинг статистикаси барибир ҳайратланарли - жорий мавсумда 18 ўйинда 7 гол ва 4 ассист.
"Мураббий мендан интенсивликни, прессингда фаол иштирок этишни, вертикалликни, тўпга эгалик қилишда хотиржамликни, жарима майдонига қўшилишларни, дарвозага зарба беришни талаб қилади. Айнан шу услубда ўйнашга доим ҳаракат қилганман. Флик менга ишонч бағишлайди, у билан ишлаш менга қулай," - деди Фермин интервьюда.
3 январь куни "Барселона" Ла Лига доирасида "Эспаньол"га қарши баҳс олиб боради.
