"Барселона" Андреас Кристенсеннинг узоқ муддатли жароҳатини расмийлаштириш жараёнини бошлади. Бу ҳақда Diario Sport хабар бермоқда.

Манбага кўра, агар каталонияликлар Ла Лигада футболчининг жароҳатини рўйхатдан ўтказса, бу уларга январь ойида янги ҳимоячи маоши учун Кристенсен маошининг 80 фоизини ишлатиш имконини беради. Бунгача "Барселона" бир неча бор шундай усулни қўллаган.

Жорий мавсумда 29 ёшли Кристенсен барча мусобақаларни инобатга олган ҳолда 17 та учрашувда иштирок этди ва битта гол уришга эришди.

Данияликнинг "Барселона" билан амалдаги шартномаси 2026 йилнинг ярмигача мўлжалланган. Transfermarkt маълумотларига кўра, ҳимоячининг нархи ўн миллион еврони ташкил этади.