"Barselona" Andreas Kristensenning uzoq muddatli jarohatini rasmiylashtirish jarayonini boshladi. Bu haqda Diario Sport xabar bermoqda.
Manbaga ko‘ra, agar kataloniyaliklar La Ligada futbolchining jarohatini ro‘yxatdan o‘tkazsa, bu ularga yanvar oyida yangi himoyachi maoshi uchun Kristensen maoshining 80 foizini ishlatish imkonini beradi. Bungacha "Barselona" bir necha bor shunday usulni qo‘llagan.
Joriy mavsumda 29 yoshli Kristensen barcha musobaqalarni inobatga olgan holda 17 ta uchrashuvda ishtirok etdi va bitta gol urishga erishdi.
Daniyalikning "Barselona" bilan amaldagi shartnomasi 2026 yilning yarmigacha mo‘ljallangan. Transfermarkt ma’lumotlariga ko‘ra, himoyachining narxi o‘n million yevroni tashkil etadi.
