Ҳужумчи Жакомо Распадори ватани Италияга қайтиши мумкин - 25 ёшли футболчига "Рома" қизиқиш билдирмоқда. Marca нашрининг ўз саҳифаларида маълум қилишича, А Серия клуби Распадорининг ижараси учун 20 миллион еврога сотиб олиш шарти билан 2 миллион евро таклиф қилган.
"Атлетико" бу таклифни фақат сотиб олиш опцияси мажбурий бўлган тақдирдагина қабул қилади. Мадридликлар ўтган ёзда форвард учун сарфлаган 22 миллион еврони қайтариб олмоқчи.
"Атлетико" сафида Жакомо Распадори 14 та расмий ўйинда майдонга тушиб, ўз ҳисобига иккита гол ва учта голли узатма ёздириб қўйган. Мадридликлар Ла Лига турнир жадвалида учинчи ўринни эгаллаб турибди.
