"Манчестер Юнайтед" марказий ҳимоячиси Эйден Хевен жамоа жорий мавсумда нималарга интилиши кераклиги ҳақида гапирди.
"Ньюкасл" устидан қозонилган ғалаба (1:0) "қизил иблислар"ни бешинчи ўринга олиб чиқди, аммо рақиблар ҳали ўз ўйинларини ўтказишмади.
"Манчестер Юнайтед" еврокубокларда ўйнаши керак - биз келаси мавсумда у ерга қайтмоқчимиз. Биз тўртлик учун курашишга қодирмиз - ҳатто чемпионлик учун ҳам. Ҳамма нарса мумкин. Шунчаки ҳаракат қилишда давом этиш керак," - деди 19 ёшли Хевен ўйиндан кейинги Sky’га берган интервьюсида.
Рубен Аморим жамоаси кейинги турда ўз уйида "Вулверхэмптон"ни қабул қилади. "Бўрилар" билан учрашув 30 декабрь куни бўлиб ўтади.
