Мадриднинг "Реал" клуби Лука Модрич кетганидан кейин майдон марказини кучайтириш кераклигини тушуниб етди.
Журналист Хорхе Пиконинг ёзишича, клуб ўтган мавсумдаёқ хорватиялик футболчининг ўрнини боса оладиган креатив ярим ҳимоячи излаган, бироқ иккала вариант ҳам раҳбариятни қониқтирмаган.
Қиммат ўйинчилар бюджетга мос келмасди, арзонроқ ёшлар эса талабларга жавоб бермасди. Бу позиция учун Арда Гюлер ва Жуд Беллингем кўриб чиқилган, аммо биринчиси ҳали бу ролга тайёр эмас ва унга бу позицияда мустаҳкам ўрнашиб олиш учун вақт керак, иккинчиси эса ўзини кўпроқ ҳужумларни якунловчи сифатида кўрсатмоқда.
"Реал"нинг асосий мақсади "ПСЖ"дан Витинья бўлиб қолмоқда, бироқ бу трансфер ҳозирча ҳақиқатга яқин эмас.
