Лондоннинг "Челси" клубидан "Милан"га кўчиб ўтган ҳужумчи Кристофер Нкунку ҳозирча ўзининг унча яхши бўлмаган ўйини билан клуб мухлисларининг ҳафсаласини пир қилмоқда. Шунга қарамай, клуб устози Массимилиано Аллегри ҳамон унга ишонмоқда.
"Ўйинчилар ҳар доим ҳам тез мослаша олмайди. Лекин машғулотларда унинг иқтидори ва салоҳиятини кўряпман. Мен унга ишонаман. Ишни давом эттирамиз. Италия чемпионатида осон эмас - бўшлиқ кам. Бу ер Англия эмас," - дея Аллегрининг сўзларини келтиради pianetamilan.it.
Эслатиб ўтамиз, "Милан" айни дамда Италия А Серияси мусобақа жадвалида 2-ўринни эгаллаб турибди.
