Олли Уоткинснинг дубли шанба кунги Премьер-лига ўйинида "Астон Вилла"га "Челси" устидан ғалаба келтирди (2:1).
29 ёшли ҳужумчи учрашувнинг 59-дақиқасида "кўклар" 1:0 ҳисобида ғалаба қозонаётган вақтда захирадан майдонга тушган бўлса, 63 ва 84-дақиқаларда дарвозани ишғол қилди. Opta хабарига кўра, Уоткинс "Челси"га қарши Премьер-лига ўйинларида "Стэмфорд Бриж"да уч марта ғалаба голини урган тарихдаги биринчи футболчи бўлди. Аввалги иккита ҳолат 2023 йилнинг апрель ва сентябрь ойларига тўғри келади.
"Астон Вилла" барча мусобақаларда кетма-кет 11-ўйинида ғалаба қозонди. Унаи Эмери жамоаси 39 очко билан АПЛ турнир жадвалида учинчи, "Челси" эса 29 очко билан бешинчи ўринда бормоқда.













