Италиялик машҳур инсайдер Фабрицио Романонинг хабар беришича, "Комо" шарафини ҳимоя қилаётган аргентиналик ҳужумкор ярим ҳимоячи Нико Пас қишда "Реал"га қайтмайди.
Шу билан бирга, клуб ва 25 ёшли футболчи ўртасида эҳтимолий қайтиш бўйича келишув бор ва Паснинг ўзи яна "Реал" футболкасини киймоқчи. Якуний қарор ёздаги вазиятга боғлиқ бўлади.
Ҳозирда Transfermarkt порталида 65 миллион еврога баҳоланаётган Пасни мадридликлар 9 миллион еврога қайтариш ҳуқуқига эга.
Нико Паснинг ушбу мавсумда А Сериядаги кўрсаткичлари: 16 та ўйин, 5 та гол, 5 та голли узатма (ҳозирча лиганинг энг яхши ассистенти). Гол+пас кўрсаткичи бўйича лигада етакчи. 6 марта учрашувнинг энг яхши футболчиси деб топилган. Энг кўп дриблинг амалга оширган футболчи — 37 марта. Рақибдан тўпни энг кўп тортиб олган ўйинчи — 122 марта.
