"Кристал Пэлас" бош мураббийи Оливер Гласнер "Тоттенхэм"га қарши ўйиндаги мағлубият ҳақида гапирди. Англия чемпионатининг 18-туридан ўрин олган учрашув 0:1 ҳисобида якунланди.
"Ўтказиб юборилган вазиятлар учун ҳеч кимни айблай олмайман, аммо биз ҳозирнинг ўзида ҳужумларни якунлашда озгина сифат камчилигимиз борлигини қабул қилишимиз керак. Голларимизда жуда кўп иштирок этадиган Сарр, Муньос ва Камаданинг ўрнини боса олмайдиганга ўхшаймиз", - дея мураббийнинг сўзларини келтиради Sky Sports.
"Кристал Пэлас" 26 очко билан тўққизинчи, "Тоттенхэм" 25 очко билан ўн биринчи ўринда бормоқда.
