"Кристал Пэлас" "Тоттенхэм" футболчиси Бреннан Жонсон трансфери устида ишлашда давом этмоқда.
24 ёшли футболчи Томас Франк қўл остида "шпорлар"нинг асосий таркибига кира олмаяпти, шу сабабли у январь ойидаёқ жамоасини ўзгартириши мумкин. Mail Sport хабарига кўра, "Кристал Пэлас" Жонсоннинг трансфери бўйича келишувни имкон қадар тезроқ ёпишга умид қилмоқда. "Бургутлар" уэлслик футболчи учун тахминан 35 млн фунт (40 млн евро атрофида) таклиф қилишга тайёр.
Қайд этилишича, Бреннан Жонсон "Тоттенхэм"да доимий ўйин амалиёти йўқлигидан норози, аммо кетишга шошилмаяпти. Вингернинг ҳисобида жорий мавсумда барча мусобақаларда 21 та ўйинда тўртта гол бор.
