"Манчестер Сити" бош мураббийи Хосеп Гвардиола матбуот анжуманида келажаги ҳақидаги саволга жавоб берди.
Гвардиоладан кейинги мавсумда жамоа билан ишлайдими ёки йўқми, деб сўрашди. "Вой Худойим. Менинг шартномам бор, буни миллион марта айтганман. Сизни зериктираётганимни биламан - мен бу ерда 10 йилдан бери ишлайман.
Бир куни кетаман, ваъда бераман. Лекин менинг шартномам бор ва мен жамоам билан ишлашдан хурсандман.
Раҳбарият мени ҳурмат қилади. Бу ўтган мавсумда, уч ой давомида ғалаба қозонмаганимизда исботланган.
Шартномам бўйича ҳали вақтим бор. Мен бу ерда қолишни истайман, лекин кўрамиз. Сизга минг марта айтдим, лекин менинг ваколатим нолга тенг, тўғрими?", деди Гвардиола журналистларга.













