«Эспаньол» бош мураббийи Маноло Гонсалес Испания чемпионатининг 18-тури доирасида «Барселона»га қарши ўйин учун каталониялик ҳакам Виктор Гарсия Вердурани тайинлаш қарорини танқид қилди.

«Бу хато, деб ўйлайман. Бундай қарорлар катта маънога эга эмас. Илгари мавжуд бўлмаган баҳс-мунозараларни юзага келтиради. Ҳакамлар техник қўмитаси (CTA) ҳам қарорлар қабул қилади, умид қиламанки, бу менга қарши ишламайди. Бу олдини олиш мумкин бўлган хато эди. Ушбу ўйин олдидан ҳакам ҳис қилаётган босим унга қарши ишлаб кетмаслигини умид қиламиз. Бундай босим ортиқча — у нима қилмасин, барибир унга қарши қабул қилинади. Агар оддий ўйинда ҳам унга юқоридан қарашса, тасаввур қилинг… Агар «Эспаньол» бу ўйиндан фойда кўрса, у Каталонияни тарк этгани маъқул», — дея Гонсалеснинг сўзларини Sport.es келтиради.

Айни пайтда «Барселона» 18 та учрашувда 46 очко жамғариб, Ла Лига турнир жадвалида пешқадам бўлиб турибди. «Эспаньол» эса 33 очко билан бешинчи ўринни эгаллаб турибди.