17 ёшгача бўлган футболчилар ўртасидаги жаҳон чемпионатида муваффақиятли иштирок этганидан сўнг, Австрия терма жамоаси футболчиси Ифеани Ндукве атрофида трансфер кураши авж олди. Катта эҳтимол билан футболчи "Ливерпуль"га ўтади, деб хабар беради kurier.at портали.
Манбага кўра, марказий ҳимоячи келаси ёзда Венанинг "Австрия" клубини АПЛ клубига алмаштиради. Битимнинг аниқ суммаси ҳозирча аниқлаштирилмаган. Апрель ойида Ндуквени Миланнинг "Интер" клуби ўз сафига қўшиб олишга ҳаракат қилди, аммо бўйи 198 сантиметр бўлган футболчи жамоада қолишни афзал кўрди.
Жорий мавсумда Ндукве УЕФА Ёшлар лигасида 1 та ўйинда ва Австрия иккинчи дивизионида 7 та ўйинда (ўринбосарлар таркибида) майдонга тушди.
