Лондоннинг "Челси" клуби собиқ бош мураббийи, "Ковентри"да ишлаётган Френк Лэмпард ўзини "кўклар" устозлигига таклиф қилди. Бу ҳақда Topskills Sports UK хабар бермоқда.
Манбага кўра, Лэмпард "Челси" раҳбариятига мурожаат қилиб, жамоани жорий мавсум охиригача бошқаришга тайёрлигини билдирган. Бироқ клуб директорлар кенгаши бунга кескин рад жавобини берди. "Челси" қўлга киритишни истаётган ягона мураббий Франциянинг "Страсбург" клубини бошқараётган Лиам Росенор бўлиб турибди.
1 январь куни "Челси" Энцо Марескани жамоа бош мураббийлигидан истеъфога чиқарганини эълон қилди. Пойтахт жамоаси 19 турдан сўнг 30 очко билан Премьер-лига турнир жадвалида бешинчи ўринни эгаллаб турибди.













