"Барселона" бош мураббийи Ханс-Дитер Флик Саудия Арабистонида бўлиб ўтадиган Испания Суперкубоги ҳақидаги саволга жавоб берди.
7 январь, чоршанба куни каталонияликлар ярим финалда Бильбаонинг "Атлетик" клубига қарши майдонга тушади. Иккинчи финалчи эса бир кун ўтиб Мадриднинг "Атлетико" ва "Реал" жамоалари ўртасидаги баҳсда аниқланади.
"Суперкубокни ютиш - бизнинг мақсадимиз. Аммо аввал жуда қийин рақиб бўлган "Атлетик" билан ўйнашимиз керак. У ёғини кўрамиз. Эртага бизда дам олиш куни бор, индинга биз машқ қиламиз ва Саудия Арабистонига учамиз," - дея Фликнинг сўзларини келтиради Managing Barca.
Испания Суперкубоги финали 11 январь куни бўлиб ўтади. "Барселона" мусобақанинг амалдаги ғолиби ҳисобланади.
