Мадриднинг "Реал" клуби якшанба куни Ла Лига 19-тури доирасида ўз майдонида "Бетис"га қарши баҳс олиб боради.
Учрашув Тошкент вақти билан 20:15 да бошланади. "Қаймоқранглилар" устози Хаби Алонсо ушбу баҳсда жамоа ва чемпионат тўпурари Килиан Мбаппега умид боғлай олмайди. Diario AS хабарига кўра, мадридликлар ҳужум чизиғида Винисиус Жуниор ва Родриго тандеми ҳаракат қилади. Ўрта чизиқда Арда Гюлер, Орельен Тчуамени, Эдуардо Камавинга ва Жуд Беллингем, ҳимояда Федерико Вальверде, Рауль Асенсио, Антонио Рюдигер ва Альваро Каррерас ҳаракат қилади. Дарвозани одатдагидек Тибо Куртуа эгаллайди.
"Реал" ғалаба қозонса, "Барселона" билан орадаги фарқни яна 4 очкога қисқартиради. Шанба куни "кўк-анорранглилар" сафарда "Эспаньол"ни мағлуб этишди (2:0).
