Самарқандда "Қизилқум"ни қабул қилган "Динамо" кичик ҳисобда ғалабага эришди.

Учрашувда ташаббус гоҳ у жамоа, гоҳ бу жамоа тарафда бўлганини айтиш жоиз. Ўйин, айниқса мезбонлар посбони Мелничукнинг бир қатор ажойиб ҳаракатлари билан ёдда қолди.

Ягона гол 41-дақиқада жарима зарбасидан сўнг "Қизилқум" дарвозасидан ўрин олди. Шихов амалга оширган жарима тўпини Тўлқин Мирзаев боши билан голга айлантирди.

Ушбу ўйиндан сўнг 14-турдан кейин турнир жадвалининг энг қуйи қисмида ўзгариш бўлмаслиги ойдинлашди. "Нефтчи"га мағлуб бўлган "Шўртан"га етиб олиш имкониятини "Қизилқум" Самарқандда бой берди. "Динамо" эса 14 очкога эга бўлиб, бу иккала жамоадан бироз узоқлашди.

ОЛИЙ ЛИГА - 2013. 14-ТУР

"ДИНАМО" - "ҚИЗИЛҚУМ" - 1:0 (1:0)

Гол: Т.Мирзаев (41).

Бош ҳакам: Равшан Эрматов (Тошкент).