Мадриднинг "Реал" клуби форварди Гонсало Гарсия "қаймоқранглилар"нинг юлдуз ҳужумчиси Килиан Мбаппе билан рақобати ҳақида фикр билдирди.
"Реал"да ҳар доим таркиб учун энг юқори рақобат бўлган. Мен Килианнинг ўринбосари эканлигимни тушунаман. Мураббийлар штаби ва жамоадошларим мени ҳар томонлама қўллаб-қувватлаб, менга ишонч бағишламоқда. Мен қўлимдан келган барча ишни қилишга ҳаракат қиламан", - дея 21 ёшли испанияликнинг сўзларини келтиради Marca газетаси.
Испания чемпионатининг 19-тури доирасида "қироллик клуби" ўз майдонида Севильянинг "Бетис" клубини йирик 5:1 ҳисобида мағлубиятга учратди. Ортда қолган учрашувда Гарсия 3 та гол уришга муваффақ бўлди.
