Ярим ҳимоячи Кобби Майну анчадан бери "Манчестер Юнайтед"нинг собиқ бош мураббийи Рубен Аморим билан ёмон муносабатда эди.
"Манчестер Юнайтед" масалалари билан шуғулланувчи The Sun журналисти Самуэл Лакхерстнинг маълум қилишича, ўтган мавсум охирида машғулотлардан бирида ёш хавбек ва португалиялик мутахассис ўртасида жуда шиддатли жанжал келиб чиққан, шундан сўнг англиялик футболчи деярли ўйин амалиётига эга бўлмай қолган. Футболчининг оиласи Аморимдан норози бўлган, бироқ Майнунинг ўзи "Манчестер Юнайтед"да қолишга қарор қилган. У мураббийдан кўра клубда узоқроқ қолишга ишонди ва шундай бўлди ҳам.
Кобби Майну "Манчестер Юнайтед" тарбияланувчиси ҳисобланади ва жорий мавсумда бор йўғи 302 дақиқа майдонда ҳаракат қилди. Рубен Аморим бугун, 5 январь куни Манчестер клубидан истеъфога чиқарилди.
