Ярим ҳимоячи Бруну Фернандеш "Манчестер Юнайтед"нинг навбатдаги ўйинида майдонга тушиши мумкин.

Centredevils.co.uk хабарига кўра, португалиялик футболчи майдондаги машғулотларга қайтган ва 7 январь куни Англия Премьер-лигасининг 21-туридан ўрин олган "Бёрнли"га қарши ўйинда иштирок этишни мақсад қилган. "Қизил иблислар" етакчиси том маънода мураббийлар штабидан ушбу учрашувда ўйнашга рухсат беришни илтимос қилмоқда.

Эслатиб ўтамиз, Бруну Фернандеш декабрь ойи ўрталарида "Астон Вилла"га қарши ўйинда тизза ости пайидан жароҳат олган эди. Жорий мавсумда португалиялик Манчестер клуби сафида барча мусобақаларда 18 та ўйинда майдонга тушиб, бешта гол урди ва еттита голли узатмани амалга оширди.