5 январь, душанба куни "Манчестер Юнайтед" раҳбарияти жамоа бош мураббийи Рубен Аморимнинг истеъфоси ҳақида қарор қабул қилди. Шу муносабат билан жамоанинг баъзи футболчилари ўзларини кўрсатиш учун янги имкониятга эга бўлишлари мумкин.
Mail Sport хабарига кўра, ярим ҳимоячилар Мануэль Угарте ва Кобби Майну, шунингдек, ҳужумчи Жошуа Зиркзее "Олд Траффорд"да қолиши мумкин. Аввалроқ, футболчилар португалиялик мутахассиснинг режаларига кирмагани учун манкунианликлар сафини тарк этишга моил эди.
Англия Премьер-лигасининг 20-туридан сўнг "қизил иблислар" ҳисобида 31 очко бор. "Қизил иблислар" қўшимча кўрсаткичлар бўйича бешинчи ўринда бораётган "Челси"дан ортда қолиб, жадвалда олтинчи ўринни эгаллаб турибди.
