«Челси»нинг собиқ бош мураббийи Энцо Мареска 2024 йил ёзидан буён ўзи бошқариб келган Лондон клуби билан хайрлашди. Пайшанба куни, 1 январь санасида «кўклар» италиялик мутахассис билан ҳамкорлик тўхтатилганини маълум қилди.
«Бу дунёни унга келган пайтингиздагидан бир оз яхшироқ ҳолатда қолдиринг».
«Менинг “Челси” билан йўлим Конференциялар лигасининг саралаш босқичларидан бошланган эди. Мен бу каби нуфузли клуб — “Челси”ни у муносиб бўлган жойда қолдириб, ички хотиржамлик ҳисси билан кетяпман.
Сўнгги 18 ой давомида қўллаб-қувватлаган барча “Челси” мухлисларига миннатдорлик билдираман. Сизнинг қўллаб-қувватлашингиз Чемпионлар лигасига чиқиш, Конференциялар лигасида ғалаба қозониш ва клублар ўртасидаги жаҳон чемпионатида зафар қучишда ҳал қилувчи аҳамият касб этди. Бу ғалабаларни мен доимо қалбимда сақлайман!
Бу ажойиб саёҳатда менга ҳамроҳ бўлган барча футболчиларга алоҳида раҳмат айтаман. Ҳар бир лаҳзани мен билан баҳам кўрган инсонларга мавсумнинг иккинчи ярмида ва келажакда катта омад тилайман. Рахмат сенга, “Челси”, мендан ва оиламдан», — деб ёзди Мареска ижтимоий тармоқдаги саҳифасида.













