"Рома"да ички вазият кескинлашди: жамоа бош мураббийи Жан Пьеро Гасперини клуб спорт директори Фредерик Массара билан келишмовчиликка борди.
Можаро Италия чемпионатининг 18-тур ўйинидан кейин сезила бошлади. "Лечче" устидан қозонилган ғалабага (2:0) қарамай, Гасперини матбуот билан мулоқот қилишдан намойишкорона бош тортди. Журналист Жанлука Ди Марционинг маълум қилишича, бундай қарорга келиш мураббий ва клуб спорт директори ўртасидаги кескин муносабатлар билан бевосита боғлиқ. Бугун томонлар учрашуви режалаштирилган бўлиб, унда можарони юмшатишга ҳаракат қилинади.
"Рома" А Сериянинг 19-турида 36 очко тўплаб, турнир жадвалида бешинчи ўринда бормоқда. Чемпионат пешқадами "Интер" ҳисобида 39 очко мавжуд.
