Англия чемпионатининг 21-турида «Лидс»га қарши баҳсда «Ньюкасл» сафида Харви Барнс томонидан 102-дақиқада (101:48) урилган гол АПЛ тарихидаги энг кеч киритилган ғалаба тўпига айланди. Бу ҳақда 2006/2007 йилги мавсумдан буён шундай маълумотлар юритиб келинаётганини таъкидлаган OptaJoe X ижтимоий тармоғида хабар берди.
Айни пайтда «Ньюкасл» 32 очко жамғариб, Англия чемпионати турнир жадвалида олтинчи ўринни эгаллаб турибди. «Лидс» эса 22 очко билан 16-поғонада жойлашган.
Келаси турда «Ньюкасл» «Вулверхэмптон»га қарши майдонга тушади. Учрашув 18 январь куни бўлиб ўтади. Унга қадар жамоа 10 январь куни Англия кубогида «Борнмут», 13 январь куни эса Лига Кубогида «Манчестер Сити»га қарши баҳс олиб боради.













