"Манчестер Сити"нинг янги аъзоси Антуан Семеньо янги жамоасида 42-рақамда ҳаракат қилади. Ганалик ўйинчи ўз танловини тушунтирди.
"Бу "Бристол Сити"да ўйнаган биринчи рақамим эди. Мен 42 ва 24 ўртасида танлов қилдим, лекин 24 мавжуд эмас эди. Шунинг учун яна эски рақамимга қайтишга қарор қилдим. У мен учун доимо илҳом манбаи бўлиб келган," - дейди футболчи.
Эслатиб ўтамиз, "шаҳарликлар" сафида 42-рақам остида ивуарлик ярим ҳимоячи Яя Туре тўп тепган эди.
Семеньо "Манчестер Сити" билан 2031 йилнинг ёзигача мўлжалланган шартнома имзолади. Transfermarkt маълумотларига кўра, битим қиймати 72 миллион еврони ташкил этган.
