"Барселона" вингер Рафинья бўйича катта таклиф олди. Саудия Арабистонининг "Ал-Ҳилол" клуби Жоау Канселу бўйича музокаралардан фойдаланиб, Рафинья учун 100 миллион евро таклиф қилди, деб хабар бермоқда Fichajes портали El Nacional нашрига таяниб.
"Ал-Ҳилол" 80 миллионни қатъий сумма ва яна 20 миллионни бонус сифатида таклиф қилмоқда. Катта суммани ҳисобга олган ҳолда "Барселона" таклифни эҳтиёткорлик билан кўриб чиқмоқда.
Рафиньянинг ўзига эса "Ал-Ҳилол" жуда катта маош таклиф қилишга тайёр. Саудия Арабистони жамоаси бош мураббийи Симоне Индзаги келишувни маъқуллади.
Қайд этилишича, Рафинья ва "Барселона" ўртасида келишув мавжуд бўлиб, унга кўра футболчи катта таклиф тушганда кетиши мумкин бўлади.
