Нуфузли футбол инсайдери Фабрицио Романо испаниялик мутахассис Луис Энрикенинг "ПСЖ"дан кетиши мумкинлиги ҳақида фикр билдирди. ОАВда мураббий шартномани узайтиришдан бош тортгани ҳақида хабарлар тарқалди.

"Бу хабарларнинг барчаси ёлғон. Буни аниқ айтишим мумкин, чунки клуб вакиллари ва мураббий атрофидагилар билан суҳбатлашдим. Томонлар ўртасида ҳозир ҳеч қандай муаммо йўқ. Ҳамкорликдаги ишлар давом эттирилади. Ичкарида ҳеч қандай зиддият йўқ," - деди инсайдер ўз подкастида.

Энрике 2023 йилнинг ёзида Париж гранди бош мураббийи лавозимини эгаллаганди. Томонлар ўртасидаги амалдаги меҳнат шартномаси муддати 2026/2027 йилги мавсум охирида тугайди.