Лондоннинг "Челси" клуби Англия кубогининг 3-раундида сафарда "Чарльтон" устидан ишончли ғалабага эришди - 5:1. Бу клубнинг янги устози Лиам Росеньор учун биринчи ўйинда содир бўлди. Эслатиб ўтамиз, аввалроқ айнан у муддатидан аввал истеъфога чиқарилган италиялик мутахассис Энцо Маресканинг ўрнини эгаллаганди.
Маълум бўлишича, бу Лондон клубининг 2008 йилдан бери янги мураббий билан биринчи ўйиндаги энг йирик ғалабаси бўлган. Ўшанда Луис Фелипе Сколари "Челси"ни бошқарган ва ўша йилнинг август ойидаги биринчи ўйинидаёқ "Портсмут"ни 4:0 ҳисобида мағлуб этган.
