Лондоннинг "Арсенал" клуби аутлар бўйича етакчи мутахассис Томас Гроннемаркга мурожаат қилди. "Канонирлар" АПЛ ғолиблиги учун курашда стандарт вазиятлардан фойдаланишни кучайтиришни ва кичик устунликлардан фойдаланишни режалаштирмоқда, деб ёзади The Times.

50 ёшли Гроннемарк "Арсенал"да маслаҳатчи сифатида ишлайди. У мунтазам равишда клубнинг машғулот базасига ташриф буюриб, ўз билимлари ва усуллари билан ўртоқлашади. Собиқ даниялик футболчи ва енгил атлетикачи 2010 йилда 51,33 метр масофани босиб ўтиб, ён чизиқдан тўпни энг узоқ масофага ташлаш бўйича жаҳон рекордини ўрнатган. Кейинчалик у тўпга эгалик қилишни сақлаб қолиш ва ҳужумни бошлаш учун жамоаларга тўп ташлашдан фойдаланишга имкон берадиган усулни ишлаб чиқди.

Томас Гроннемарк "Брентфорд", "Боруссия Дортмунд", "Аякс", "Унион" каби клубларга маслаҳатчилик қилган. 2018 йилда Юрген Клопп уни "Ливерпуль" мураббийлар штабига таклиф қилди. Мутахассис 2019/2020 йилги чемпионат мавсумида жамоа билан ишлаган ва 2023 йилда клубни тарк этган.