Londonning "Arsenal" klubi autlar bo‘yicha yetakchi mutaxassis Tomas Gronnemarkga murojaat qildi. "Kanonirlar" APL g‘olibligi uchun kurashda standart vaziyatlardan foydalanishni kuchaytirishni va kichik ustunliklardan foydalanishni rejalashtirmoqda, deb yozadi The Times.
50 yoshli Gronnemark "Arsenal"da maslahatchi sifatida ishlaydi. U muntazam ravishda klubning mashg‘ulot bazasiga tashrif buyurib, o‘z bilimlari va usullari bilan o‘rtoqlashadi. Sobiq daniyalik futbolchi va yengil atletikachi 2010 yilda 51,33 metr masofani bosib o‘tib, yon chiziqdan to‘pni eng uzoq masofaga tashlash bo‘yicha jahon rekordini o‘rnatgan. Keyinchalik u to‘pga egalik qilishni saqlab qolish va hujumni boshlash uchun jamoalarga to‘p tashlashdan foydalanishga imkon beradigan usulni ishlab chiqdi.
Tomas Gronnemark "Brentford", "Borussiya Dortmund", "Ayaks", "Union" kabi klublarga maslahatchilik qilgan. 2018 yilda Yurgen Klopp uni "Liverpul" murabbiylar shtabiga taklif qildi. Mutaxassis 2019/2020 yilgi chempionat mavsumida jamoa bilan ishlagan va 2023 yilda klubni tark etgan.
