Нигерия терма жамоаси бош мураббийи Эрик Шелль Африка Миллатлар Кубоги чоракфиналидан ўрин олган Жазоир (2:0) устидан қозонилган ғалаба ҳақида фикр билдирди.
"Нигерия терма жамоаси футболчилари жуда бахтли ва мен улар билан жуда фахрланаман. Биз ўйиндан ҳақиқий завқ олдик. Мен терма жамоага мураббий этиб тайинланганимдан буён кўп ишладим, тайёргарлик учун кўп куч сарфладик. Менинг тасаввурим жамоанинг ҳаракатларида мужассам бўлди ва биз шу руҳда ишлашни давом эттиришимиз керак.
Жазоир устидан қозонган ғалабамиз ҳақли эди. Ўйин ажойиб чиқди ва мен ғалабадан жуда мамнунман. Бу ўйиндан кейин бизни кейингиси кутиб турибди ва унга тайёргарлик кўрамиз. Марокаш кучли жамоа ва мезбон жамоанинг босими сезиларли бўлади. Марокаш билан тўқнаш келишимиздан фахрланаман ва умид қиламанки, бу энг муносиб жамоа ғалаба қозонадиган яхши ўйин бўлади", - дея малилик мутахассиснинг сўзларини келтиради турнир матбуот хизмати.
