Nigeriya terma jamoasi bosh murabbiyi Erik Shell Afrika Millatlar Kubogi chorakfinalidan o‘rin olgan Jazoir (2:0) ustidan qozonilgan g‘alaba haqida fikr bildirdi.

"Nigeriya terma jamoasi futbolchilari juda baxtli va men ular bilan juda faxrlanaman. Biz o‘yindan haqiqiy zavq oldik. Men terma jamoaga murabbiy etib tayinlanganimdan buyon ko‘p ishladim, tayyorgarlik uchun ko‘p kuch sarfladik. Mening tasavvurim jamoaning harakatlarida mujassam bo‘ldi va biz shu ruhda ishlashni davom ettirishimiz kerak.

Jazoir ustidan qozongan g‘alabamiz haqli edi. O‘yin ajoyib chiqdi va men g‘alabadan juda mamnunman. Bu o‘yindan keyin bizni keyingisi kutib turibdi va unga tayyorgarlik ko‘ramiz. Marokash kuchli jamoa va mezbon jamoaning bosimi sezilarli bo‘ladi. Marokash bilan to‘qnash kelishimizdan faxrlanaman va umid qilamanki, bu eng munosib jamoa g‘alaba qozonadigan yaxshi o‘yin bo‘ladi", - deya malilik mutaxassisning so‘zlarini keltiradi turnir matbuot xizmati.